Description

Cancer, Cocaine & Courage

ලෝක පූජිත කීර්තිමත් ශල්‍ය වෛද්‍යවරයෙකු වූ විලියම් ස්ටුවර්ට් හල්ස්ටඩ් ගේ ඒකායන පරමාර්ථය වූයේ සැත්කම්වලට බඳුන් වන මිනිසුන් සැත්කමේ දී හා එයින් පසු විඳින මහත් වූ වේදනාව තුරන් කොට ශල්‍යකර්මය වඩාත් සුවපහසු ප්‍රතිකාරයක් ලෙස දියුණු කිරීම ය. ඒ සඳහා ඔහුට අවසානයේ දී සිය ජීවිතය පරදුවට තැබීමේ ප්‍රබල අභියෝගයකට ද මුහුණ දීමට සිදු වූ නමුත් සියලු අභියෝගයන් අභිබවා ඉතිහාසයේ නම සටහන් කළ යුග පුරුෂයකු බවට පත් වීමට ඔහුට හැකි විය.

නොපසුබස්නා වීර්යය හා නොසැලෙන අධිෂ්ඨානය මත සිය ජීවිතය ගොඩනැඟූ වෛද්‍ය විලියම් හ්ස්ල්ටඩ් මානව වර්ගයා වෙනුවෙන් ඉටු කළ  අද්විතීය මෙහෙවර අදත් නොමැකී පවතින්නේ, ඔහු තුළ වූ කැපවීමේ උසස් බව නිසාය. වෛද්‍ය වෘත්තියේ සාරධර්ම මුදලට විකිණී වෛද්‍යවරුන්ගේ හදවත් විද්‍යුත් මෙවලම් බවට පත් වී ඇති අද වැනි යුගයකට වෛද්‍ය විල්ගේ චරිතය අකුණු සැරයක් බඳු යැයි සිතේ. දැනුම සොයා යාමේ දීත්, එය අත්හදා බැලීමේ දීත්, ලෝකයාගේ ගරු සම්මානයට බඳුන් වෙද්දීත් එකසේ නිහතමානීව, නිවහල්ව, ආදීනව, අකුලටිව සිය සේවාව ඉටු කළ මානවහිතවාදියකු ගේ ජීවිත කථාව සිංහල පාඨකයන් වෙත තිලිණ කිරීම පිළිබඳව අභය හේවාවසම් මහතාණන්හට අපගේ ප්‍රණාමය හිමි විය යුතු ය.

Additional information

Weight 260 g
book-author