Description
ප්රවීණ ගුවන් විදුලි නිවේදිකාවක් සහ ගී පද රචිකාවක් ද වූ දයා ද අල්විස් විසින් ඉරිදා ලක්බිම පුවත්පතේ ‘රිද්ම’ අතිරේකය සඳහා වසර තුනකට අධික කාලයක් තිස්සේ ලියන ලද ‘එකෝමත් එක දවසක’ තීරු ලිපි මාලාවේ එකතුවක් ලෙස මෙම කෘතිය සම්පාදනය වී තිබේ. මේ කෘතියෙහි ඇත්තේ බොහොමයක්ම ලේඛිකාවගේ පෞද්ගලික ජීවිත අත්දැකීම්ය. ගැහැනියක ලෙස ජීවිතයට මුහුණ දෙන්නේ කෙසේද යන්න ඇය සිය අත්දැකීම් ඔස්සේ විස්තර කරයි. මෙහි පළමු කොටස් ලෙසින් ‘එකෝමත් එක දවසක ’නමින් තීරු ලිපි එකතුවක් ද ඇය කෘතියක් ලෙසින් සම්පාදනය කොට තිබේ.
”මට හිතෙනවා අහසයි පොළවයි යාළුවො දෙන්නෙක් කියලා.. කොයි තරම් ඈත් වුණත් ඒ දෙන්නා යාළුවෝ. අහස කියන දේ තමයි පොළොව අහගෙන ඉන්නේ. පොළොව ඉල්ලන දේ තමයි අහසින් ලැබෙන්නේ ඈතයි ඈතයි කියලා කවුරු කිව්වත් අහසට පොළව තරම් ගැළපෙන වස්තුවක් වෙන කොයින්ද?”
